الأحد , 20 سبتمبر 2020
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

 

…”يا تحبه ،، يا متحبوش”…

الي كل المجروحين
الي اللي مش نايمين..
لحد دلوقت
الي كل الموجوعين
طول الوقت
بكتبلكم..
عن مسكن اقوي بكتير
م الهيروين
عن مضاد للنيكوتين
يمكن تعرفوا تناموا
وتبطلوا تفكروا ف امبارح
وناس باعوا
وسسببلكوا مجارح
هما دلوقتي سهرانيين
مع ناس تانيين
وانت قاعد حزين..ومش نايم
دول صدقني ما يستهلوش
وبكره زي ما باعوا هيتباعوا
حبيبك ان سابك متلمهوش
ولو صدفه قابلته سلم ومتقلوش
ومتكلمهوش عن اللي فات
لانه مات
اللي قدامك دلوقتي..
ده شخص جديد
مش هو نفس الحبيب
ده حبيب لحد تاني
الشكل ايوه هو
بس من جوه
اتغير كتيييير
وانت بقيت متشبهلكش
فكر مليون مره قبل ما تقرب
يا اما م الاول متتعلكش
وان حبيت حد
سبته وسابك
اوعي تحب تاني
غير لما..
تنسي خالص الاولاني
متظلمش نفسك ومتظلمهوش
يا تحبه بجد.. يا متحبوش

كلمات الشاعر مينا بشير

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *