الإثنين , 10 أغسطس 2020
أخبار عاجلة
الرئيسية / المراة / حوار خاص مع “أيه رشدي” fashion designer المبدعة التي تتطلع دائما الي النجاح
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

حوار خاص مع “أيه رشدي” fashion designer المبدعة التي تتطلع دائما الي النجاح

حوار / هايدي عبدالفتاح

= عرفينا اكتر علي مصممه الازياء أيه رشدي ؟

‏‎أية محمد رشدي عندي ٢١سنه بدرس ف كليه اداب قسم وثائق ومكتبات جامعه المنصوره

=‏‎بدأتي في المجال دا ازاى ومين اللي شجعك تدخليه واي حبك فيه ؟

‏‎ بدات تقريبا بعد تالته ثانوي وعملت اول كوليكشن ف-   2017 وانا طول عمري بحب اللبس والالوان جداا وبحب اخترع حاجات كده واعملها وكان دايما صحابي يخلوني اختار معاهم اي لبس بيجيبوه .. ف جالي بعد تالتة ثانوي عرض شغل (موديل)و قولت لاهلي وكانوا مشجعني بس عرضوا عليا فكرة أحسن وقالولي ليه انتي تعرضي لبس في حين انك انتي اللي ممكن تعملي اللبس ده والناس تعرضه ؛ بدات افكر في الموضوع ده و اني ممكن اعمل كده فعلاً…
‏‎ بدات طبعا ادور واخد كورسات والحمدلله كان مسهل عليا ناس صحاب بابا الله يرحمه كتير كانوا بيساعدوني في المجال واهلي طبعا شجعوني وفضلوا جمبي ..
‏‎بابا الله يرحمه كان صاحب محل قماش وهو توفي وانا في رابعه ابتدائي وحقيقي كنت حابه اعمل حاجه بالقماش ده واعمل براند باسمي ويكون بابا فيه ؛ والحمدلله ربنا اكرمني وعملت براند سميته AR اختصار (Aya Roushdy)

‏‎البراند بتاعي كاچوال وسواريه وخاص اكتر بالبنات “الكيرفي” لان صعب يلاقوا استايلات حلوة ومتنوعه ؛ يعني مثلا بعمل قطعه تلبس ل ١٢٠ك ومفيش حاجه اسمها مستحيل البس دي عشان جسمي لا انا لغيت الفكره دي خالص وعملت كل حاجة والحمدلله فتحت بوتيك وكل فترة بعمل كوليكشن بيكون قطعه او اتنين بس من الديزين الواحد عشان يكون مميز وفريد من نوعه.

=‏‎لي مشتغلتيش شغل جمله؟

عشان انا مش حابه خالص شغلي يكون منتشر واي حد لابسه
‏‎حابه شغلي يكون مميز ومختلف عشان يليق بالناس اللي بتحب تشتري مني عشان يكونوا مختلفين ، وانا حقيقي بكون ماشيه وشايفه لبسي بطلعه من وسط الف لانه مميز ومش منتشر.

=‏‎ايه المشاكل اللي وجهتك !

‏‎قبلني مشكله ف الاول بسبب سني الصغير واني اول واحده تقريبا تدخل المجال ده في سن صغير وطبعاً قبلت انتقادات كتير بس الحمدلله اتقبلتها وقدرت اوصلّهم ان مفيش حاجه ابدا متعلقه بالسن   ، واللي عايز يعمل حاجة بيعملهاسواء كان كبير او صغير

=خطواتك الجايه في المجال ده؟

‏‎اتمني يارب يكون براند بتاعي عالمي
وافتح مصنع اساعد فيه كل البنات اللي حابه تدخل ف المجال .

=‏‎حابه تقولي ايه للناس اللي حابه تدخل في المجال ده؟

‏‎اقول ليهم اتعبوا واعتمدوا علي نفسكوا واعرفوا ان الدنيا مكسب وخساره ؛ وعشان تقدروا تعملوا حاجه ل نفسكوا محدش بيعمل الحاجه صح من اول مره انا ياما غلط بس اتعلمت كتير من غلطي ، وكل ماتقعي اقفي تاني اقوي من الاول الموضوع بس محتاج شوية صبر .

=‏‎ كلمه اخيره حابه توجهيها لمتابعينك؟

‏‎حابه الاول اشكر ماما لانها دايما كانت سندي وقوتي ام واب ف نفس الوقت .

‏‎واخواتي دايما بيقولولي تقدري تعملي اي حاجه انتي عاوزاها ..رغم ان مجالات اخواتي غير مجالي خالص بس دايما  كانوا واقفين معايا وبيدعموني ،
‏‎اما بالنسبه للمتابعين دول عيلتي التانيه انا ممنونه ليهم  جداا يارب اكون دايما عند حسن ظنهم هم ضهري وسندي انا بكبر بيهم لولاهم مكنتش وصلت لاي حاجه.

في النهايه احب اشكرك جدا واتمنالك النجاح دائما.

عن أحمد رزق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *