السبت , 15 أغسطس 2020
الرئيسية / تحقيقات / إنقذوا تمريض مستشفى المنزلة
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

إنقذوا تمريض مستشفى المنزلة

كتب / لمياء الحديدى

ظهور أكثر من حاله مصابين بفيروس كرونا بفريق تمريض مستشفى المنزله العام وكان آخرها أول أمس حيث تم حجز ثلاث من فريق التمريض فى اقتصادى مستشفى المنزله غير الكثير التى تم عزلهم فى منازلهم .
وكان السبب الرئيسى فى إصابتهم هو
اهمال مدير المستشفى وعدم وجود وقايات للممرضات ولقد كان المسؤول الأول والأخير عن عدم توفير الوقيات هو مدير مستشفى المنزله دكتور عبده السعدانى
وقد صرحت إحدى الممرضات وطلبت المساعده من بيدچ المنزله اليوم.

بلسان ممرضة من العزل

السلام عليكم
حضرتك انا ممرضه ف قسم عزل ف مستشفى المنزله العام عمالين نتصاب واحده ورا التانيه مفيش إمكانيات مفيش نضافه الوقيات بتطلعنا حجات ع القد جدا بالرغم اننا بندخل للحالات كل شويا وبنعملهم كل حاجه من نضافه شخصيه لعلاج لكل حاجه لان معظمهم مسنين
مفيش ماسكات عاليه الكفاءه وبندخل لحالات إيجابي بماسك اول لما بلبسه بيتقطع والله العظيم بدخل ساعات كتيره للحالات من غير حتى ماسك مفيش تمريض متوفر وضغطين علينا اننا نشتغل ف اكتر من قسم مش ف قسمنا بس وبقيت تمريض المستشفي قاعدين ولو اتكلمنا بنتهان حرفيا بنتهان وبيتعمل فينا مذكرات بنتعامل اوحش معامله لما حد يعرف اننا ف العزل وبنحاول نعديه بس مش مقدرين دا وكله بيجي علينا ف المعامله والوقيات والشغل مفيش حاجه متوفره ولا تمريض ولا وقيات بالرغم بان مستشفى المنزله اكتر مستشفى فيها نسبه تمريض بجد احنا تعبنا ومحدش بيقدر اني بتعامل مع حالات إيجابي وبقعد معاه وبأكله وشربه ونضحك ونهزر معاه عشان حالته النفسيه اهم من اي حاجه المشرفين بيعاملونا اوحش معامله وبيستنو علينا الغلط عشان يعملو فينا مذكرات.

ولم يقتصر على هذه الممرضه فقط ولكن هناك العديد من الشكاوى بسبب سوء الإهمال فى مستشفى المنزله العام فقد أصبح الوضع اكثر خطوره على حياه الممرضات وحياه الناس وتطالب أهالى المنزله الاهتمام بالأمر واتخاذ الإجراءات اللزمة.

عن أحمد رزق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *