السبت , 15 أغسطس 2020
الرئيسية / المراة / حوار صحفي مع خبير التغذية خالد النجار
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

حوار صحفي مع خبير التغذية خالد النجار

حوار و كتابة / هايدي عبد الفتاح

في البدايه برحب بيك يا كابتن ونود أن نعرف بطاقه تعريف خالد النجار للناس

خالد محمد عبدالمنعم محمد علي النجار – ٢٤ سنه – محافظه الدقهليه

*وبدأت إزاى؟

البدايه كانت ف نشأتى منذ الصغر
والدى الكابتن محمد عبدالمنعم النجار مؤسس الكاراتيه ف نادى دكرنس الرياضى و بعد كده سافر واصبح من اهم مدربين الكاراتيه ف الخليج و كان المدرب العام لمنتخب قطر ف الكاراتيه
وبعده اكمل الطريق احمد محمد النجار اخويا
أصبح مدرب كاراتيه واصغر مدير فنى ف الدقهليه
ف من زمان اتربينا ف أسرة رياضيه و الحمد لله تاريخ الاسرة مشرف جدا ⁦❤️⁩

ف انا أصبحت بحب العضلات و بحب التشريح العضلي وشكل العضلات عامل ازاي
كنت بحب الرياضه جدا والاجتهادات كثير زي الكاراتيه والسباحه و جمباز  و بوكس و  كونغ فو و اسكواش طبعا
وبعد كده بقى لقيت ان انا مهتم بال fitness اكثر من الرياضه ك نوع من الرياضه

مهتم بالرياضه بشكل عام والصحه العامة.

الناس كلها تبقى قادره تتحرك الناس كلها من حقها  تلعب رياضة.
جبت مجموع دخلت طب علاج طبيعي جامعه الدلتا
واقعد هناك سنه لكن ربنا ماوافقش كنت طبعا في الفتره دي باحب المسرح جدا وكنت بيمثل مسرح.

ف حولت  تربيه رياضيه جامعه المنصوره وانا في سنه ثالثه طبعا  ما كنتش بحضر في الكليه وما كنتش باحب الرياضه في الفتره دي وبعدت كل البعد عن اللعب وعن الرياضه وعن التمرين.

لكن وانا في سنه ثالثه حصل لي drob  في حياتي كبير جدا ان والدي ووالدتي عاملوا حادثه  وبقيت بقى سنه ثالثه ورابعه ومازال لحد دلوقتي معظم  الوقت معاهم في المستشفيات

في فتره وانا مع والدتي في المستشفى في القاهره كنا دائما بلاحظ أن العيانين بيجي لهم اكل مختلف كان في سيستم المستشفى ماشي عليه
وملتزمين بالدايت للعيانين والتغذيه عامله ازاي فكنت  الكلام ده

انا في سنه ثالثه جامعه فحصل اخذت دبلوم التغذيه العلاجيه و رياضيه والحمد لله كنت اصغر طالب في الدبلومه كل اللي معي دكاتره مخلصين و صيدليين والناس مخلصين علوم وكده وناس كبيره والحمد لله ربنا وفقنى وكنت مرتب على الدبلومه طلعت السابع بفضل الله ومن ساعتها بقى اكتشفت ان انا ممكن اغير من حياه الانسان واعلمهم الهيلثى  لايف ستايل healthy lifestyle

ف بعد الدبلوم بقى بدأت  ان انا اطور من نفسي اكثر عملت

دبلوم التدريب دوليه ومعتمد دوليا من امريكا ISSA  World Sports Science Organization

بعد كده درست strength workout المعتمد من المانيا والنمسا IASST

وبعد كده حضرت دبلوم التغذيه برده من ISSA  الفتره اللي جايه بقى بحضر للكورس TRANSFORMATION  والكورس SPORTS NUTRITION  معتمد دوليا

*ايه أصعب شئ واجهك في المجال دا؟
اصعب حاجه واجهتني في المجال عموما ان في ناس كثير قوي
بدأوا يشتغلوا في التغذيه بدون حتى ما يكون فاهمين تغذيهم من غير ما يدرس
لا بيحمل كميه دايت تكون معاهم ويبدلوا على الناس وخلاص هو انت وحظك
ده طبعا خطر كبير جدا الناس بتقع فيه.

*وايه هيا طموحاتك الفتره القادمه؟
طموحي الفتره اللي جايه ان شاء الله يعني ممكن ان ابدا امسك انديه واعتمد اللاعيبه دايت في الانديه الكبيره
يعني ممكن ان شاء الله لو ربنا كرم نبدا بنادى دكرنس بعد كده اطور من نفسى و اوصل للنادي الاهلي وأوصل للمنتخب باذن الله.

*الرساله اللي بتحب توجهها لمتابعينك؟
اهم رساله ممكن اقولها هي رساله لكل الناس عموما انت عايز تهتم بال هيلثى لايف ستايل healthy lifestyle

مهما كانت الفتره اللي هيمشي عليها طيب عشان ينزل دهون و عشان يغير من جسمه ما يزهقش وما تستعجلش لان هي مساله وقت مش اكثر ومهما كانت الدهون العنيده في جسمه هيجي في شهر هينزل كل اللي كان عايز ينزله في الشهر ده
وساعتها هيبدا يعرف يعني ايه هيلثي لايف ستايل.

في النهايه احب اشكرك كابتن *خالد النجار* علي هذا الحوار الجميل ونتمني إن ربنا يوفقك وتصل لحلمك بإذن الله

عن أحمد رزق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *