السبت , 15 أغسطس 2020
الرئيسية / تحقيقات / إسراء حمدين تجري حوار صحفي مع أحد مخترعي الربورت الذي يقوم بتوزيع أسئلة الإمتحان
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

إسراء حمدين تجري حوار صحفي مع أحد مخترعي الربورت الذي يقوم بتوزيع أسئلة الإمتحان

كتب /  إسراء حمدين

فى حوار صحفى مع الطالب كامل حسن كامل سليمان فى جامعة قناة السويس كلية حاسبات ومعلومات ، الطالب المسؤل عن فكرة اختراع روبوت يقوم بتوزيع الاوراق على الطلاب والذى قام به ثلاث طلاب وهم:-
١- كامل حسن كامل سليمان
٢- محمد عبدالله خلف الله
٣- عمار احمد ابراهيم
وتم ذلك مع تواصل وكيل الكلية مع الطلاب لتنفيذ ذالك المشروع ،كما ان جامعة قناة السويس قدمت الدعم اللازم لتنفيذ الروبوت عن طريق مركز التايكو.

والفكره ابهرت الجميع وعرضت فى وسائل الاعلام
وكان الحوار مع الطالب كامل حسن كامل سليمان وهو هيد الفريق العلمى والذى تحدث عن هدف فريقه العلمى
قائلا *”ان هدف الفريق هو تعليم الطلبة الجدد اللى داخلين الفريق مجالات كتير زى (برمجة الويب – برمجة الموبيل ابلكيشن – الديزاين -الذكاء الاصطناعى)*
ثم اكملنا الحوار الصحفى والذى تمثل فى عدة اسئله عن ذلك المشروع

1/فكرة المشروع ؟

*- فكرة الروبوت جاتلنا عن طريق تواصل وكيل الكليه معانا بمقترح اننا نعمل روبوت بيقدم ورقة الامتحان للطلبه وياخدها منهم تانى*

2/اخد منكم وقت قد اى ؟

*- بدأنا فيه ك تخطيط قبل 22/6 وتم البدء فى تنفيذه يوم- 22/6وتم تسليمه يوم 29/6*

3/اى الخطه ال وضعتوها لإقامة الاختراع ؟

*- احنا قسمنا نفسنا*
*_ شخص بيكون مسؤل عن عمل المخططات وال mechanical design*
*_ شخص بيكون مسؤل عن الهارد وير*
*_ شخص مسؤل عن السوفت وير*

4/اشرحلى الشكل الهندسى ونوع الخامات المستخدمة فى تصنيع الروبوت؟

*- الروبوت مكون من ايد إلكترونيه دى مطبوعة 3d*
*بنتحكم بيها بشكل كامل*
*المجسم من Pvc وخشب*
*العجلات مطاط*
*المواتير 12v*

5/طريقة التحكم فى الروبوت عن طريق اى؟

*- الروبوت بنتحكم بيه عن طريق التليفون ،فى بوردة* *استقبال ودى موجوده فى* *الروبوت ويتم ارسال اليه* *اشارة من التليفون على بعد حد اقصى 12متر*
*كمان الروبوت بيتميز فى انه بيحفظ التحركات بتاعته يعنى بمعنى اصح الروبوت بيتدرب وبيتعلم وممكن يشتغل مع نفسه على حسب ال اتعلمه*
*كمان التحكم فيه عن طريقتين يدوى وآلى*.

5/هل نجح الروبوت فى تنفيذ الفكره وتوزيع الورق على الطلاب زى ما خططتم ؟

*- الروبوت نسخه تجريبيه شغلناها مرتين حتى الان ونجحت الفكره*.

6/فى اى تعديلان هتضيفوها للروبوت ؟

*- التطوير بتاعه هيكون مختلف تمام وهنضيف ليه تعديلات كتير*.

7/ممكن نستفاد من الروبوت ويتم استخدامه فى مجالات اخرى ؟

*- نفس الطريق ممكن نستخدمه فى توزيع الاكل على المرضى الحجر الصحى وتوزيع الادويه ايضا ، وممكن نستخدمه فى الاعمال الإدارية لتقليل الاحتكاك والحفاظ على عدم نقل العدوى*.

وبعد الانتهاء ،  اتقدم بالشكر الى الطالب كامل حسن على ذلك الحوار الممتع معه ،  واشكر ايضا بقية الطلاب على ذلك المجهود العظيم.

واتمنى لهم كل التوفيق وتقديم مشروعات عظيمه مره اخرى من جامعة قناة السويس.

 

عن أحمد رزق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *