الخميس , 24 أكتوبر 2019
أخبار عاجلة
الرئيسية / منوعات / هو اعتراف واجب
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

هو اعتراف واجب

 كتبت شرين حجازي

ربنا  أنعم على مصر و شعبها برءيس العالم كله بيعمله ميت مليون اعتبار. رءيس دخل وسط النار و وقف وقفة أسد عشان ينقذ بلده من الجحيم اللي كان حيلتهم الأخضر و اليابس و يشرد أهل مصر كلهم و ينهار كيان الدولة المصرية و يصبح تاريخ. هو اعتراف واجب ان عزيز مصر دخل على قضية تكاد تكون خسرانة و قال عليا و على أعداءي…بلدي و يا روح ما بعدك روح. اعتراف واجب ان السيسي لو ما كانش عمل أي حاجة غير انه حافظ على الأمن في مصر و صان شرف نساءها و كرامة رجالها كان يبقى نجاتنا كلنا كدة دين في رقبتنا ليه. بس هو ما عملش كدة بس هو فتح كل ملفات الأمن في مصر….مش الأمن العسكري بس ولا الامن ضد الإرهاب. هو فتح ملفات الأمن العسكري و الأمن الغذاءي و الأمن الصناعي و الامن الزراعي و الاقتصادي و السياسي و الاجتماعي …فتح ملفات من شأنها إقامة دولة حقيقية على حد تعبير سيادته. كل يوم بيعدي على مصر و شعبها في سلام في ميزان حسناتك ياريس كل يوم بيتجدد فيه مستشفى و يتم العلاج فيها على نفقة الدولة في ميزان حسناتك ياريس. كل يوم بيتبني فيه مصنع في محافظة من محافظات مصر يوفر فرص عمل لأهالي تلك المحافظة في ميزان حسناتك ياريس. كل شبر من أرض مصر كان منهوب تحت بند المحسوبية و فساد المناصب و رجع لسيطرة الدولة تاني بردو في ميزان حسناتك يا ريس. أمن و سلامة المصريين و الحياة اللي ماشية كل يوم مهما كانت ظروفها قاسية…لكن أنا ماشية في بلدي بأمان تحت هيبة الدولة المصرية و لاقية لقمة آكلها مهما كانت بسيطة بس بشبع و بقول الحمد لله…اي لقمة من خير بلدي و بطعم دفا حضن مصر أطعم و أغلا من أغلا أكل في الدنيا كلها …ستري و عزتي في حضن بلدي بالدنيا و اللي فيها. احساس كل مصري بالأمان و ان له ضهر و سند و كبير للبلد كل الدنيا بتحترمه…كل دة في ميزان حسناتك ياريس. احنا كلنا كدة متعلقين في رقبتك….قادر ربنا يحفظك لينا يا سيد الغاليين. تحيا مصر يا نور عين مصر تحيا مصر يا فندم

عن khaled

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *