الأحد , 22 سبتمبر 2019
الرئيسية / منوعات / معلومه سريعه كده عن الجديرى المائى
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

معلومه سريعه كده عن الجديرى المائى

بقلم الدكتور : محسن الفقى

اولا اسمه جديرى مش جدرى لان الجدرى ده مرض جلدى خطير اختفى من زماااان تماما
يعنى اسمه ايه؟ جديرى مائى ..😅شطااار

سببه فيروس اسمه فاريسيلا زوستر ابن عم الهربس وتقريبا واخد اخته 😅😅😅😅😅
طريقة العدوى رزاز المريض خاصة العطس او التلامس المباشر.

فترة الحضانة(يعنى من بداية العدوى الى ظهور المرض )حوالى اسبوعين الى تلت اسابيع
فترة العدوى (يعنى العيل اللى عنده يعدى غيره )يومين قبل ظهور الطفح لحد سقوط اخر قشرة يعنى تقريبا 10 ايام.

الاعراض زى البرد سخونية وعطس والم فى الحلق يومين بالكتير وبعدين هب مرة واحده طفح متعدد الاشكال فى الراس والضهر والبطن وممكن فى اليدين والقدمين خاصة فى الرضع وطبعا هرش شديد وقريفة بعيد عنكم😭

العلاج
اولا يقعد فى البيت عشان ميعديش زملاته 10 ايام متواصلة
سوايل وعصاير واكل خفيف
مضادات الفيروسات زى زوفيراكس او فيروستات و لوفير حسب وزن العيل
مضادات الحساسية خاصة الليرجيل والليرجيكس والبيرافين
خافض حرارة وافضلهم الباراسيتامول وبلاش الدولفين والبروفين والاسبرين
ملطف موضعى زى الكلامينا او الهاى ديرم وبلاش الجنتيانا
ممنوع المضادات الحيوية الا لما الدكتور يكتبها.

المهم بلاش نقلق حتى لو كل العيال جالهم لانه بيخف وبيبقوا زى الفل 😄😄😄😄
وطبعا مبيرجعش تانى ابدا لان الجسم بياخد مناعة تامة منه
واهم شىء لو فيه حامل فى البيت يا ريت تتابع مع طبيبة النسا عشان ميحصلش عدوى للجنين
ربنا يحفظكم ويحفظ اولادكم

عن kholod

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *