الجمعة , 13 ديسمبر 2019
أخبار عاجلة
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

محتاج جراحة

(محتاج جراحة).
قصيدة

كتب /محمد العايدى
………

انسان حزين محتاج
لراحة
والجراح عايز لها
راحة
عمر ضايع من زمان
ضع بلمسة كف
خان!
اه يا وجعي يا
أحزان
مريض بقلبي من
زمان
محتاج جراحة!…
….
إنسان حزين والحزن
قاتل
ملامح وشوش ف الفرح
مايعزموش.
والقلب شايل.
وقت الحزن عنك
ميسألوش.
طب أعمل ايه
وب أيدي ايه؟
حبيت ف ناس
ميستهلوش!
محتاج لمشرط الجراح
يشيل أحزان يشيل
جراح
مشرط يستأصل
الأحزان
اللي بتجري ف
الشريان.
والقلب واقف عن
الدبيب
علشان ملقالهوش
حبيب.
لما الغزال يحب
ديب
بتضيع وياه الأفراح.
عايز ارتاح نفسي
ارتاح
لو تدوني دقيقة
راحة.
محتاج لراحة.

يا مشرط الجَراح
حش جوه الحَشى
حش بضمير
حش صفات جميلة فينا
بس أذتنا كتير.
ارفع المشرط حبة لفوق
لحد م يوصل عند الراس
حش كمان التفكير!
إنسان قبل العملية عاش
منداس
عاش ضحية لكتير من
الناس.
خليك ي طبيب
طيب وحبيب
قطّع بالمشرط فيا كمان
حش مني الضمير!
خليني أنسى اني
إنسان
والنسيان يعنى الإنسان
خليني أنسى اسمي
كمان
وده ارحم ليا كتير.
يا طبيب القلب
اوعى تخَدًر قبل ما
تفتح
انا مش محتاج تَخدير
انا مقتول فيا الإحساس
مع كل صدمة ف بعض
الناس.
تعمل ايه ياطبيب لو
لاقيتني ف مرة
جرحتك؟
او مثلا تجرح قلبي
وتلاقيني عادي سامحتك؟
قالي التانية دي صعبة شوية
صعب اوصل ف التسامح
للمرحلة دية.
أما الأولى دي مش معقولة
د انا اقطّع قلبك
وأدمر فيك وأهد حبك.
طيب يلا مستني أيه؟
عذب قلبي وقطّع
فيه.
مانت سبق و
كشفت عليه.
حش منه شريان الإحساس
أصل انا قلبي قلب
الناس!…
……
الطبيب
عملت العملية!
عملتها لصاحب القلب
الموجوع
والحمد لله م ماتش من
جراح الجراحة.
المريض مات من
الدموع!
اصله كان بيدور
ع الراحة!…
….

هلفوت البحث عن الراحة

/ محمد العايدي

 

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *