الأحد , 20 سبتمبر 2020
الرئيسية / ثقافة وفن / (مجرور ب الكسرة)! …
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

(مجرور ب الكسرة)! …

 

انسان مجرور
ب الكسرة.
عايش على الظلم
والحسرة.
ضحية كل ظالم
مغرور.
…..
انا كلمة بين السطور
مكتوبة في قاموس
الحياة متقطعة
ورغم عدم وجودها
موجودة جوه الوجود
متفرعة.
انا حقيقة متأصلة
جوه الخيال
انا جاهل بعلمي
رافض للعب العيال
انا لفظ بزيئ
اتقال في كلمة
رفضت للإنصياع
وللخداع والصداع
من للسان اللي خان
واللي باع
ولما باع، باع لحتة
بتاع!
انا نفس ذات كلمة
الرفض اللي بترفض
كل الفرض
بدون مالكلمة ذاتها
تتقال.
معنديش مبدأ اختيار
الكفاءة بنائا على
الصحاب
انا اللي كفرت بغدر
الأحباب
انا أب داب وأخلص
وحب
نائب فاعل مرفوع
بالضمة
ومشتاق انا للراحة
وللضمة
بحلم بتوحيد كل
الأمة.
انا مش مستثنى
ب إلا.
وشايف نفسي في
نظر نفسي أقل
من القلة.
خلاص حانت
ساعة الأعتراف و
ونطق الحق الواضح
الشفاف
انا ضايع في زمن
مشهور بخيانة
الأصحاب
وخداع الأحباب
انا كلمة مالهاش محل
من الإعراب!
ياخسارة محاولاتي
وضياع أغلى ما فحياتي
كان نفسي اكون معنى
لكلمة إنسان
لقيتني مكتوب في
قاموس الحياة.
شبه جملة!
……….

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *