الأربعاء , 21 أغسطس 2019
الرئيسية / ثقافة وفن / مانيش بحار
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

مانيش بحار

بقلم الشاعر المصري أحمد إبراهيم النجار

مانيش بحار
ولا طبال ولا درويش
ولا مجذوب في ثوب الخيش
ولا مجنون ولا عاقل
انا العايش ما بين احلام
وامنية ما بين حرافيش
وانا قبطان بدون مرسي
ولا برسي ده انا قشه
ف مهب الريح
ولا مالك بساط الريح
ولا عاقل من العاقلين
ولا مجنون من المجانين
ولا طفل في يوم حابي
ولا شايب بشعر بياض
ولا قرصان ولا عراف
ولا سحار
ولا فايت في مولد زار
ولا عالم ولا جاهل
أنا الساكن في حلم طويل
وعايش كل حلمي في بير
ده أنا يوسف وانا ايوب
وانا موسي في بحر هروب
وانا يونس في بطن الحوت
لا ااااااااانا نمرود
ولا عايش بكل جحود
أنا واقع
ما بين واقع
مالهوشي حدود
خريطة في صفحه مقلوبة
وانا قصة
في وسط كتاب ومشطوبة
ولا برجع واقول توبة
واحبك تاني في منامي
واقول مكتوب
والعن كل ايامي وأحلامي
واسكن تاني في عنيكي
واركب تاني بحر الموج
منيش بحار وانا الغارق
وموجك غدر موتني
واقبل مافوق تموووووت احلام
تغيب اياااااااام واعيش احلام
لا انا عاقل ولا مجنون

عن هنا المنياوى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *