الخميس , 24 أكتوبر 2019
أخبار عاجلة
الرئيسية / ثقافة وفن / مات الشهيد مات البطل
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

مات الشهيد مات البطل

بقلم / هبه المنزلاوي

مات الشهيد مات البطل
وساب وراه ميت وجع
وصرخه ألم ونار بتحرق
ف قلوب كل اللي شافه
فارق حياته ودنيته
وراح في زفه أخرته
عريس للجنه وفرحته
ماليه عليه دفنته
شهيد بطل شهيد وطن
ضحى بعمره عشانه كلنا
دمه سال عشان أرضنا
دافع عن شرفنا كلنا
صان عرضنا من كل خاين
حاول يكسر قلبنا
يا مصري اسمع الحكاية
أرض سينا فيها ميت روايه
ودم كل شهيد بيرفع الرايه
دمه علي أرضها رساله لكل خاين
حاول ينول من مصرنا أو يهز أرضنا
حلمنا عمره ما ينتهي دي لسه البدايه
شهدينا مات عشان نحقق نصرنا
وكل جيل يتولد يعرف تاريخ مصرنا
يعرف قيمة الوطن والكرامة
وللعدو الحسرة والندامه
يبني أرضه ويحمي عرضة
ويرفع راسه بكل عزه
ويعرف حكايه الشهيد
اللي مات من أجل مصر
اللي مات عشان يعيش
وفي كرامة يبني حلمه
يا بلادني يا حره
كل شهيد ضحي ليكي
وحطم حلم أعاديكي
النهارده بدمه بنبني فيكي
ورافعين راسنا بيكي
دم الشهيد حكايه وطن
يا شهيد مصر البطل
الملايكه حواليك فرحانه بيك
واحنا النهارده مديونين ليك
وبدمك هيعيش كل جيل

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *