الإثنين , 21 سبتمبر 2020
الرئيسية / ثقافة وفن / قصيدة ( مقاطع من قصيدة … إلى إيزيس )
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

قصيدة ( مقاطع من قصيدة … إلى إيزيس )

 


—————————————-
بقلمي – عادل عبد الرازق
———————–
إليكي يا إيزيس …
يا حبيبة قلبي الأولى
يا حبيبتي الأبدية
أكتب أغنيات العشق الأولى
على زهر اللوتس تتغنى
تحضن ورق البردي
وتبوس خد الشجرات المتضفر بعينيكي
جسدي إن اتقطع أنا روح
نسيوا يقطعوا قلبي معاه
.. والروح
أنا عايش …
من أول طيبة لممفيس
والامضا … : أوزوريس ”
قلبي مازال معبد متنور
بحقيقة طهرك اللي في أركاني
توصلني مراكبك شايلة سنابلك
تخضر غيطاني ف أحزاني
أرسم فوق كفي عينيكي
وأعطر قلبي بسحرك يا إيزيس
قمرة وسكة وغنواية
بترفرف في سمايا برغم الضلمة
وأمد إيديا لقلبي أطير عصافيري
تحكيلك يا إيزيس عن مشواري
أنا لسه برغم أسواري
لسه ما انتحرت أشعاري
بابدأ ترحالي ف طرق الضلمة
رغم البيت اللي مضلم أخر الشارع
جوه الحي اللي بتيكي قناديله
ولا اخافش طريق الأشباح
باولد فجري الأخضر
وأضفر من حلمه وليدي
نمشي أنا وهوه السكة
نرسم صورتك عالجدران
ونحط ف شعرك وردة بتضحك
رغم الأحزان
رغم اليتم المتشجر عالطرقات
أنا لما بتتعبني دروبي
بانزل بحر عينيكي اتعمد
وأصلي في بحيرات صدرك
واكتب كلمة حب جوه عينيكي
تغسلني الموجة اللي في بحرك
ترسملي الحارة والقنديل وأخطي
يكتب خطي ..
ما زلت أحبك سيدتي آلاف المرات
ما زلت أحبك سيدتي رغم الأزمات
***************************

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *