السبت , 7 ديسمبر 2019
أخبار عاجلة
الرئيسية / طيور بلا أجنحة / قصيدة عامية ” باعوني على ارض الواقع ” 
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

قصيدة عامية ” باعوني على ارض الواقع ” 

بقلم / محمد العايدي.

باعوني على ارض الواقع
وخانوني في الأحلام
قتلوا الطموح جوايا
وبقيت مش عارف انام.
حتى براح شوارعهم
دوكنة مليانة ظلام
وضباب ظلم فظيع
وندالة جوه عدالة
وعدالة مش موجودة وغياب للاحترام.
خانوني في الأحلام
ارض الواقع جحيم
وحلمك وهم عظيم
وموتك حقيقة مؤكدة
ولابد م الاستسلام
باعوني على ارض الواقع
وخانوني في الأحلام.
الكل من حواليك
عمال بيدمر فيك
ولو يوم كرموك
بالتكريم بيذللوك و يتاجر بالقضية.
وينادوا عليك سلعة
زي فراخ في الجمعية
قوم وفوق ميهمكش
اصرخ اغضب متفكرش
واوعى الخوف يخوفك
احلم ماتخفش.
اسرح بخيالك وابدع فحياتك
واياك احباط محبط،
يكسر احتمالاتك
هتكون لو كنت عايز
لو كنت عايز تكون
ياريت لو يتهموك
بالكفر او بالجنون.
خليك.صاخب في صمتك
حابب للسكون.
وبكرة هيكون اكيد
مش جايز او احتمال
وهتتبدل احوالك من
حال لغير الحال.
هتمشي لو كنت عايز
هترفض تبقى عاجز
وشلوت عكازك هيكون
خطوة للأمام.
باعونا على ارض الواقع
وخانونا في الأحلام.
الحلم يعني رسالة
خليك انت الرسالة
تبعث على التفاؤل
تمحي الاستحالة.
اربط وجودك بالعطاء
أو قدم إستقالة!
ايه اللي بعد الموت؟
سوا جنة ولا نار
نهاية كل حياة
علامة استفهام؟ .
باعونا على ارض الواقع
وخانونا في الأحلام.
ماتبصش يوم وراك
خليك ماشي لقدام
اشتري اللي اشتراك
ماتكونش بياع كلام.
سيبك.مللي خانوك
وفعز الشدة سابوك
اهم هم دول بعيونهم
اللي بعوك على ارض الواقع
وخانوك جوه الأحلام!

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *