الخميس , 24 سبتمبر 2020
الرئيسية / ثقافة وفن / قصيدة / اتبسمي
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

قصيدة / اتبسمي

 

***************
بقلم الشاعر المصري / احمد ابراهيم
****************************
اتبسمي ده الفجر لسه ف أوله طارح خضار
بدأ الربيع يرقص على خد النهار
والورد فايح بالعطور اتبسمي
وانا هكتبك بين الحدود
فوق الحدود وع الجدار
اتبسمي ده الليل محال
يسكن هنا طول الزمن
من بعد ليل راجع نهار
اتبسمي وانا هرسمك
ثوب الفرح طرحة فرح غنوةفرح
ولا يوم تكوني مدمعه
ده الليل غبار
راجع مطر يغسل سطورك من جديد
متعلقة صورة جناين وسطها متربعه
على عرش فجرك الجديد
متلونه كل حيطان
القدس والحي القديم
اتبسمي ع الحواري وع المباني
واغزلي ضحكة أغاني بلحنها
واعزفي كل المقاطع وانشدي
وافرشي ارضك ورود
بين الحدود فوق الحدود
وع المأذن والكنايس
ع المزارع والبيوت
اتبسمي ده الليل جبان مالهوش وجود
لحظه يفوت والفجر من بعد الظلام
على طرحتك والله ياقدس ليوم يعود مفروش ورود
اتبسمي ارسميني وارسمي
علم الوطن ضحكة أمل
على خد بنت وولد ماسكين زهور
حاضنين حيطان الأقصي والقدس الشريف
الله على بسمة وطن فجرك شروق
شمسك ياقدس
من شرق غرب وع الجنوب
أحرار بتكتب التاريخ
في القدس والأقصى الشريف
اتبسمي
ده الفجر راجع لا محال مابين بيبان
القدس والحي القديم اتبسمي اتبسمي
*****************************
بقلم الشاعر المصري / احمد ابراهيم

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *