الجمعة , 25 سبتمبر 2020
الرئيسية / منوعات / طفل .. و .. مدينة
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

طفل .. و .. مدينة

بقلم  – عادل عبد الرازق

لون الغيوم طاير عالمكان
والريح بترعش في الحيطان
والمطر نازل عالمفارق
واللي تايه واللي فارق
واللي بايع واللي خان
لون الغيوم طاير عالمكان
والريح بترعش في الحيطان
والمطر نازل عالمفارق

وطفل ماشي فارد إيديه
بيحلم بحضن مرّه يداريه
في قلب البرد
مش لاقي حد
وصوته مخنوق في دمع عينيه
لون الغيوم طاير عالمكان
والريح بترعش في الحيطان

يا طفل تايه وبتحلم بالوصول
بتمدّ الخطاوي والطريق بيطول
ولا حد شايفك
ولا حد عارفك
حلمك ومات
في تابوت مخاوفك
في مدينة تعشق دمع الانسان
لون الغيوم طاير عالمكان
والريح بترعش في الحيطان
والبيوت قافلة البيبان
***

عن admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *