الإثنين , 20 يناير 2020
أخبار عاجلة
الرئيسية / منوعات / ايوةانامطلقة ….بقلم نهى عبد الخالق
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

ايوةانامطلقة ….بقلم نهى عبد الخالق

كتبت/نهى عبد الخالق

كلمة حق لازم اقولها ف الأول… “المجتمع إتغير كتير عن زمان ..قبوله و دعمه لحالات الطلاق اصبحت أكتر كتير من الأول” ..
و لكن لفئة قليلة جدااااا مازالت تعيش و تتعايش و تتكاثر بيننا ..اوجه هذه النقاط لقواعد التعامل مع الكائن الخرافي و الحالة المرضية المستعصية المسماه ((#المطلقة))
بخخخخ 👻👻👻👻
اسمعوااااا و اعووووووا :- الست المطلقة …
1-مش مكسورة الجناح
2-مش ملهوفة ع الجواز
3-مش المرأة اللعوب بتاعة افلام السبكي
4-مش ماشية على حل شعرها
5-مش مستنية شفقة من حد
6-مش غلبانة و ضعيفة و مستنية صدرك الحنين
7-مش خطافة رجالة
8-مش هتموت عليك
9-مش هتتكسف توقفك عند حدك يوم ما تفكر تتعدى حدودك
10-مش ماشية على حل شعرها
11-مش هترضى بأي حاجة و السلام
12-مش لازم ماتتجوزش غير ارمل او مطلق او فوق ال 50
13-مش هتخاف تطلق تاني لو كنت زي اللي قبلك
14-مش ست درجة تانية
15-مش خايفة من الدنيا و لا من مخلوق
16-مش الموضوع فيه إن .. اومال يعني اتطلقت ليه ؟
17-مش لازم تكون اتطلقت على فكرة…ممكن تكون خلعته
18-مش معيوبة و لا ناقصها حاجة
19-مش ماشية على حل شعرها
20-مش قادرة و عينها بجحة 👀
21-مش باصة لجوزك و هتخطفه منك
22-مش غيرانة منك علشان إنتي لسة متجوزة
23-مش هترمي عيالها علشان تتجوز
24-مش مستنية منك صعبانيات و لا مصمصة شفاييف
25-مش قاعدة تلطم و تندب حظها طول ما هي قاعدة
26-مش معنى انها إحلوت و شايفة نفسها انها شايفالها شوفة
27-مش مقضياها و دايرة على حل شعرها
28-مش هتسكت على حقها و لا خايفة من حد
29-مش هتتكسف تمرمط بكرامتك الأرض يوم ما تفكر بس تضايقها
30-مش فارقة معاها اصلا كلمة #مطلقة …عادي ..و جدا كمان
31-مش هتربي عيالها اي كلام و لا #تربية_نسوان
32-مش مستنياك تنقذها ..هي اصلا ب 100 راجل
33-مش هتموت على اي جوازة و السلام
34-مش ناوية تكرر غلطها ..هتحاول تختار صح المرة دي
35-مش مكسورة الجناح
36-مش هتقبل بأي حاجة و خلاص
37-مش ماشية على حل شعرها
38-مش ست فاشلة و لا خايبة
39-مش غيرانة منك و عايزاكي تطلقي
40-مش هتعديكي …ولا نفسها تخرب عليكي

#الطلاق لا عيب و لا حرام …هو #حالة_اجتماعية عادية جدا زيها زي السينجل و المتزوج و الأرمل …لا ينقص و لا يزيد و لا يضيف لحامله شيء سوى خانة لتجميع المعلومات في مركز الإحصاء …
#نصيحة : عزيزي المشاهد ..ماتحاولش تبحث عن أسباب و تعمل محلل إجتماعي ..ما حدش ابدا يعرف ايه الأسباب #الحقيقية للإنفصال الا اصحابها نفسهم …و اي تحليلات او افتراءات او نظريات فهو من وحي #الهراء ..
مش لازم على فكرة يكون حد من الطرفين معيوب او عنده مشكلة او وحش و شرير و دراكولا

…عادي جدا …ممكن يكونوا مش لايقين على بعض…كل واحد كويس (#لوحده) !!!!
الزواج #قرار بين اتنين ..حياة مشتركة مبنية على المودة و الرحمة و التفاهم ..هدفها الأساسي السعادة المشتركة و الراحة للطرفين ..لو ما اتحققش الهدف من الزواج و اصبح البيت ميدان معركة و يا انا يا انت …يبقى زي ما #دخلنا بالمعروف …#بنخرج بالمعروف و #ماننساش_الفضل بينا .
*صدق او لا تصدق …الست مننا لما بتاخد القرار دة …لا عايزة منك طبطبة و لا شفقة و لا مصمصة شفايف …هي بتبقى #اقوى مما تتخيل و بتعرف كويس اوي ازاي #تداوي نفسها لو فيه بقايا وجع …و مستعدة كويس اوي تتحمل #المسئولية و تبعية اختيارها …عارفة واجباتها و بتعملها على اكمل وجه …
كل اللي محتاجاه منكم فعليا …#تحلوا عن نفوخها و #تسيبوها ف حالها…بس كدة

واللى مش عجبه كلامى يعملى بلوك ويريحنى من وشه او وشها

عن khaled

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *