الثلاثاء , 22 أكتوبر 2019
أخبار عاجلة
الرئيسية / منوعات / إجدل حبالك من سراب بقلم: د. باسم موسى
style="display:block; text-align:center;" data-ad-layout="in-article" data-ad-format="fluid" data-ad-client="ca-pub-3754746322068505" data-ad-slot="2723352953">

إجدل حبالك من سراب بقلم: د. باسم موسى

إجدل حبالك من سراب
بقلم: د. باسم موسى

إجدل حبالك من سراب
واطلع عليها وارتفع حد السحاب
خللي خيالك يدْعمك
بحقيقة تجهلها العقول ولا يحويهاش أي كتاب
خد م السراب و من الخيال أحلى الصحاب
خليك غريق في بحر وهم، ما عام فيه حد إلا خاب
وآمال خياله اتحطمت من صدمة هدتها الصعاب
من غير عتاب
أصل الخيال وادي وتكوينه الضباب
مالوش من الواقع نصيب غير قد ذرة من تراب
خللي الخيال جزء من الواقع ومفتوح ليه بباب
لكن ما يبقاش الأمل كله خيال في السعادة داب
اعمل حساب
لخبطة تيجي توجعك
أو زقه جامدة ترجعك
واوعى تفكر ان حزنك ندم وتاب
في أي لحظة ضله ممكن عليك يطل بألف ناب
كمل ولا يهمك دي دنيا وحوشها ياما والكلاب
ولو فيوم
وقعت قوم
اوعاك تسجل يوم غياب
حدد مكان الوقعة واعمل خطتك للاجتناب
لف من جنب الصخور خد من العزم مناب
لابد راح توصل أكيد
ساعتها راح تشعر براحة….
….تلاقي كل الهم داب.

عن أحمد حميد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *